ჟვანიას სკოლის დირექტორი კახეთში სახელმწიფო რწმუნებულს შეხვდა

: 2019-11-29
: სიახლეები

მიმდინარე წლის 26 ნოემბერს, ზურაბ ჟვანიას სახელობის სახელმწიფო ადმინისტრირების სკოლის დირექტორმა კახეთის მხარეში სახელმწიფო რწმუნებულის ადმინისტრაციაში სამუშაო შეხვედრა გამართა. ჟვანიას სკოლის დირექტორი ქეთევან ჯაყელი კახეთის მხარის სახელმწიფო რწმუნებულს ირაკლი ქადაგიშვილს შეხვდა. შეხვედრას სკოლისა და სამხარეო ადმინისტრაციის წარმომადგენლებიც დაესწრნენ.

ჟვანიას სკოლის დირექტორმა მხარის რწმუნებულს სკოლაში არსებული პროგრამებისა და სიახლეების შესახებ ინფორმაცია მიაწოდა. შეხვედრაზე საუბარი შეეხო აკრედიტებულ პროგრამებს, რომლის ფარგლებშიც სკოლა მზად არის მიიღოს და გადაამზადოს l, ll, lll და lV რანგის საჯარო მოხელეები საქართველოს ყველა რეგიონიდან, მათ შორის კახეთიდან.

ჟვანიას სკოლა ერთ-ერთი მთავარი ტრენინგ-პროვაიდერია, რომელიც ყველა დაინტერესებულ საჯარო მოხელეს სთავაზობს აკრედიტებულ პროგრამებს. მხარის რწმუნებული ირაკლი ქადაგიშვილი დაინტერესდა ჟვანიას სკოლის შეთავაზებით და თანამშრომლობის სურვილი გამოხატა. შეხვედრაზე ასევე ისაუბრეს „საჯარო მმართველობისა და ადმინისტრირების" პროგრამის შესახებ და სკოლამდელი განათლების პროექტის ფარგლებში ჟვანიას სკოლის ჩართულობაზე.