ზურაბ ჟვანიას სახელობის სახელმწიფო ადმინისტრირების სკოლა აცხადებს მიღებას საჯარო მართვისა და ადმინისტრირების პროგრამის მიმართულებით შემუშავებულ საჯარო მოხელეთა საორიენტაციო კურსზე.

სასწავლო პროცესის ფარგლებში, მონაწილეები გაეცნობიან საჯარო სექტორში მიმდინარე მოვლენებს. კურსის მიზანია:

• საჯარო სამსახურის სისტემის ფუნდამენტური პრინციპების შესწავლა;

• საჯარო ფინანსების მართვის, ბიუჯეტირებისა და სახელმწიფო შესყიდვების ძირითადი მექანიზმებისა და სამართლებრივი ჩარჩოების შესახებ ინფორმაციის მიღება;

• ელექტრონული დოკუმენტბრუნვის სიტემების გაცნობა.

კურსის ხანგრძლივობა 14 საათია. კურსი განკუთვნილია როგორც მოქმედი საჯარო მოხელეებისთვის, ასევე იმ პირებისთვის, ვინც სამომავლოდ საჯარო სექტორში დასაქმებას გეგმავს.