პროექტის „ლიდერობა თანამედროვე საჯარო სამსახურში" მონაწილეები უნგრეთში საქართველოს საელჩოს ეწვივნენ.

პროექტის მონაწილეებს უნგრეთში საქართველოს საგანგებო და სრულუფლებიანმა ელჩმა ნიკოლოზ ლალიაშვილმა უმასპინძლა.

ვიზიტის ფარგლებში საჯარო მოხელეებმა საელჩოს ინფრასტრუქტურა დაათვალიერეს და დიპლომატიური წარმომადგენლობის სტრუქტურას, ფუნქციებსა და ყოველდღიურ საქმიანობას გაეცნენ.

შეხვედრისას ყურადღება გამახვილდა საერთაშორისო თანამშრომლობის მნიშვნელობაზე, ასევე საქართველოს საელჩოს როლზე საქართველოსა და უნგრეთს შორის ურთიერთობების გაღრმავების მიმართულებით.