ვებგვერდი მუშაობს სატესტო რეჟიმში. ინფორმაცია შესაძლოა არასრული ან არაზუსტი იყოს.
EN

გარდაბნის მუნიციპალიტეტის სოფელ სართიჭალასა და მუღანლოში ჟვანიას სკოლის ღია კარის დღეები გაიმართა

გარდაბნის მუნიციპალიტეტის სოფელ სართიჭალასა და მუღანლოში ჟვანიას სკოლის ღია კარის დღეები გაიმართა

: 2026-09-25
: სიახლეები

გარდაბნის მუნიციპალიტეტის სოფელ სართიჭალასა და მუღანლოში ზურაბ ჟვანიას სახელობის სახელმწიფო ადმინისტრირების სკოლის ღია კარის დღეები გაიმართა.

შეხვედრებზე ზურაბ ჟვანიას სახელობის სახელმწიფო ადმინისტრირების სკოლის დირექტორის მოადგილემ ანზორ მეგრელიშვილმა და სახელმწიფო ენის სწავლებისა და ინტეგრაციის პროგრამის მენეჯერმა ნინო ჩაკვეტაძემ ადგილობრივი ეთნიკური უმცირესობების წარმომადგენლებს სკოლის პროგრამები, კურსები, სწავლების ფორმატი და სასწავლო მასალები გააცნეს, ასევე რეგისტრაციის პროცესის შესახებ მიაწოდეს ინფორმაცია.

აღინიშნა, რომ სახელმწიფო ენის სწავლება მიმდინარეობს როგორც რეგიონულ ცენტრებში, ისე მობილური ჯგუფების მეშვეობით.

საქართველოში მცხოვრებ ეთნიკურ უმცირესობებში სახელმწიფო ენის პოპულარიზაციისა და მათი ერთიან სახელმწიფოებრივ სივრცეში ინტეგრაციის ხელშეწყობის მიზნით, მსგავსი შეხვედრები მომავალშიც გაგრძელდება.