მსმენელმა შეისწავლოს ქართული ენის საფუძვლები - „ენების სწავლის, სწავლების და შეფასების ერთიანი ევროპული სარეკომენდაციო ჩარჩოს“ მიხედვით, B1 დონეზე, შეძლოს:
- სტანდარტული მეტყველების მთავარი აზრის გაგება;
- მარტივი ინფორმაციის დეტალების გაგება სატელევიზიო გადაცემებიდან, ტექნიკური ინსტრუქციებიდან;
- სხვადასხვა სახის საინფორმაციო და ოფიციალური ხასიათის ტექსტების წაკითხვა და გაგება;
- ნაცნობ სიტუაციებში აზრის ჩამოყალიბება თანმიმდევრულად, ფაქტების გადმოცემა მნიშვნელოვანი ნიუანსების გათვალისწინებით;
- ნაცნობ თემებთან დაკავშირებულ საუბარში ჩართვა სტანდარტული ფრაზებით, რამდენიმე წინადადებით საკუთარი დამოკიდებულებისა და მოსაზრებების გამოხატვა;
- ფორმითა და შინაარსით სტანდარტული ინფორმაციული ხასიათის მოხსენებების, პირადი წერილების, განცხადებების... წერილობით ჩამოყალიბება.
სწავლების დამთავრების შემდეგ მსმენელი შეძლებს:
- ყოველდღიურ ცხოვრებასა ან/და ნაცნობ თემებთან დაკავშირებული დისკუსიის ძირითადი შინაარსის გაგებას, მასში მონაწილეობის მიღებასა და საკუთარი აზრის, შთაბეჭდილებებისა თუ განცდების მოკლედ გადმოცემას;
- ნაცნობ თემებთან დაკავშირებული ტელე და რადიო გადაცემების მთავარი არსის გაგებას;
- ჟურნალ-გაზეთებში გამოქვეყნებული განცხადებების, ინტერვიუებისა და აქტუალურ თემებზე დაწერილი სტატიების შინაარსის წაკითხვასა და გაგებას;
- ვრცელ ტექსტებში, კონკრეტული დავალების შესრულების მიზნით, საჭირო ინფორმაციის პოვნას;
- ქართულენოვანი ორი პიროვნების გარკვევით და მკაფიოდ მიმდინარე საუბრის გაგებასა და მასში მონაწილეობის მიღებას;
- რაიმე ამბის, ფილმისა თუ წიგნის შინაარსის მოყოლას, მასთან დაკავშირებით საკუთარი მოსაზრებების გადმოცემას;
- თანამოაზრისთვის დეტალური მითითებებისა და რჩევის მიცემას;
- წინასწარ მომზადებული კითხვებით მოკლე ინტერვიუს ჩამორთმევას;
- პროფესიულ საქმიანობასთან დაკავშირებულ საუბარში, სტანდარტული კონსტრუქციების გამოყენებას;
- მისთვის ნაცნობი ან საინტერესო საკითხების დაწვრილებით აღწერას, საჭირო ინფორმაციის წერილობით მოთხოვნასა და შეკითხვების მომზადებას;
- ოფიციალური დოკუმენტების (განცხადება, სამოტივაციო წერილი, საქმიანი წერილი, რეზიუმე ...) მომზადებას.
სწავლა შეიძლება განხორციელდეს შემდეგი სქემების მიხედვით:
- 20 კვირა - კვირაში 6სთ-იანი დატვირთვით;
- 15 კვირა - კვირაში 8სთ-იანი დატვირთვით;
- 12 კვირა - კვირაში 10სთ-იანი დატვირთვით.
საკონტაქტო საათების რაოდენობა შეადგენს 120 ასტრონომიულ საათს
ფასდება:
- მეცადინეობებზე დასწრება (10ქ);
- სწავლის პროცესში მიღებული უნარები შესაბამისი პრაქტიკული სამუშაოების მიხედვით (20ქ );
- შუალედური ტესტირება (2) (15–15ქ);
- ფინალური გამოცდა (40ქ).
მინიმალური ზღვარი, რომლის დაძლევაც მოეთხოვება მსმენელს, არის 70 ქულა, იმ პირობით, რომ საბოლოო ტესტირება-გასაუბრების შეფასება არ უნდა იყოს 25 ქულაზე ნაკლები.
